السلام عليكم
في وحده قعدت من النوم مبجر وقالت خل اقعد ريلي من النوم بنعومة
جان اتقوله باذنه 'احبك'! تدروووووووون شنو رد عليها ؟؟
قال لها : حبيني بعدين... بنام الحين
*****
في وحده لما اتروح محل ألعاب او مكان فيه العاب حق اليهال واتقوله خل ناخذ هذي اللعبة حلوه عشان ولدنا يتعلم جذي وجذي .. يقولي جدام اللي يبيع او اللي تبيع: خلصيني قولي انج تبين تلعبين فيها هههههههههههههههه
وفي وحده سوت جو رومانسي حق ريلها يايه بتدلعه .. حطت له شموع بالدار وتقول لمن دش سوالها حركة البوذه .. يقولها داشين معبد بوذه احنا جذي مسويه واااااااااااااااااي دفشين :P
*****
في وحده ريلها وايد يعلق كله تعليقات احباط، كانت مرة مزينه الغرفه بالشموع وموسيقى هاديه دش الغرفه والا يقول بسم الله الرحمن الرحيم شنو بتحضظرين ارواح
*****
مره في وحده صابغه شعرها بيج وكانت اول مره تصبغه , وريلها ما يحب
الالوان الفاتحه يحب الشعر الغامج
وعاد طالعه من الاربعين وكاشخه وضعفانه والكل يقول
لي جنج باربيه، الحين اهيا خايفه من ردة فعل ريلها واول ماشاف شعرها والا يقول: ووع شنو هذا جنه بلاليط !!
*****
ومره كانت وحده لابسه تراجي مدوره واول ماشافها ريلها ولا يقول
بسم الله شنو هالتراجي اسد بيمر منه؟؟
*****
مرة وحده ريلها علق على بيجامه شاريتها من لاسنزا قالي :- خبازنا مضيع سرواله اليوم أثاريه عندك ..
*****
مرهوحده تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ..يعطيها لجاسم يعقوب وقوووووووووووووووووووووووووووووووووول
( زاهبين حق التعليقات )
*****
وفيه وحده ثانيه تقول كنت لابسه تايقر ... تقول لمن شافني زوجي فجأه نقز على السرير وتلحف بالكفر قال نمر بالدار لحقوووووووووووووووووووووني
وبعدين يقولون ليش الخليجية ما تدلع وتدعدل مثل البنانية! ما تصلح دلع لبنانية والعيون والتعليقات خليجية!!!
اختكم
دلووولة
موضوع: الخليجيات وقت الي تبي تدلع ازواجها 
الأربعاء سبتمبر 03, 2008 11:55 am
